Bammenella
Só' "Bammenella" 'e copp' 'e Quartiere,
pe' tutta Napule faccio parlá,
quanno, annascuso, p' 'e vicule, 'a sera,
'ncopp' 'o pianino mme metto a ballá.
Vene 'ambulanza?
'Int'a niente mm' 'a squaglio.
E, si mm'afferra, mme torna a lassá.
'Ncopp' 'a quistura, si ê vvote ce saglio,
è pe' furmalitá.
Cu 'a bona maniera,
faccio cadé 'o brigatiere,
piglio e lle véngo 'o mestiere,
dico ca 'o tengo ccá.
'O zallo s' 'o 'mmocca,
ll'avota 'a capa e s'abbocca,
ma, nun appena mme tocca,
mme n'ha da manná.
Mme fanno ridere cierti pperzone
quanno mme diceno: "Penza pe' te".
Io faccio 'ammore cu 'o capo guaglione
e spènno 'e llire p' 'o fá cumparé.
Stó' sotto 'o dèbbeto, chisto è 'o destino,
ma c'è chi pava pirciò lassa fá.
Tengo nu bellu guaglione vicino
ca mme fa rispettà.
Chi sta 'int' 'o peccato,
ha da tené' 'o 'nnammurato,
ch'appena doppo assucciato,
s'ha da sapé appiccecá.
E tutt' 'e sserate,
chillo mm'accide 'e mazzate.
Mme vò' nu bene sfrenato,
ma nun 'o ddá a paré'.
Mo só' tre mise ca 'o tengo malato.
Sacc'io che spènno pe' farlo saná.
Però, 'o duttore, cu me s'è allummato,
pe' senza niente mm' 'o faccio curá.
E tene pure 'o mandato 'e cattura;
priesto, 'ambulanza s' 'o vène a pigliá.
Io ll'aggio ditto: "Sta' senza paura,
pe' te, ce stóngo io ccá".
Cu 'a bona maniera,
faccio cadé 'o brigatiere,
mentre io lle vengo 'o mestiere,
isso have 'o canzo 'e scappá.
Pe' me, 'o 'ssenziale,
è quanno mme vasa carnale.
Mme fa scurdá tutt' 'o mmale
ca mme facette fá.
- Bammenella (Raffaele Viviviani) Thayla Orefice ( Download)
- Bammenella -Thayla Orefice Mario Conte ( Download)
- Thayla Orefice bambenell ( Download)
- BAMMENELLA di Raffaele Viviani (1917) - Fiorenza Calogero con Carmine Terracciano alla chitarra ( Download)
- Bammenella - Luisella Viviani (Registrazione privata dedicata alla nipote Luciana Viviani) ( Download)
- Bammenella - Teresa De Matienzo ( Download)
- Approdiche: Thayla Orefice ( Download)
- THAYLA OREFICE segretamente ( Download)
- I DIECI COMANDAMENTI DI RAFFAELE VIVIANI,CON MARIO ATERRANO E THAYLA OREFICE. ( Download)
- CARMELOBRUNA bammenella VIVIANI ( Download)
- Thayla Orefice con il maestro Tommaso Maione al Gran Caffè Gambrinus ( Download)
- Thayla me fa fa ( Download)
- Thayla Orefice SIMMO 'E NAPULE PAISA' (Nicola Valente, Peppino Fiorelli - 1944) ( Download)
- Thayla Orefice “PASSIONE ETERNA” ( Download)
- Thayla Orefice fresca fresca ( Download)